my son has got most of his father's looks.somewhere there are few of my looks.

my son is an angel.won't u agree with me? this photo is when he was seven months old

అడ్డ పేర్లు

అడ్డ పేర్లు అంటే నిక్ నేమ్స్ అన్న మాట. నేను పదవ క్లాస్ వరకు ఒకే స్కూల్ లో చదివా. పదేళ్ళు ఒకే క్లాస్ మేట్స్ అన్న మాట.అందరి గురించి ప్రతి ఒక్కళ్ళకి క్షుణ్ణంగా అందరికి తెలుసు. ఎంత ఆప్యాయంగా ఉంటామో అంతగా కొట్లడేవాళ్ళం. అలా కోట్లదేప్పుడే మా అడ్డ పేర్లు అన్ని బయటికి వస్తాయి. వాటితోనేగా తిట్టుకోనేది మరి. ఒక్కోరికి ఒక అడ్డ పేరు . ఆ పేరుకో చరిత్ర. క్లాస్ లో ఇరవై మందిమి. టెన్ గాళ్స్ , టెన్ బోయ్స్. ఫస్ట్ గాళ్స్ తో మొదలెడదామా !
౧. వసంత - అడ్డ పేరు సంత. పేరు లోనే వుందిగా.
మట్టి బల్లి .ఓసారి ప్లే గ్రౌండ్ లో స్టోన్స్ అన్ని క్లియర్ చేస్తోంటే వసంత కి ఓ మట్టి బల్లి కన్పించింది. ఇక చూడాలి వసంత డాన్సులు. బాగా నవ్వము. ఆ పేరు తనదైపోయింది.పెద్దయ్యాక తనకి అస్తమాను బ్లడ్ ని మార్చాల్సిన రోగమేదో వచ్చిందని తెలిసి చాలా బాధ పడ్డా.
౨.వసుధ - బొద్దుగా గుండ్రంగా వుందని వంకాయ అని అనే వాళ్ళం.నవ్వులరాణి అని ఇంకో పేరు.
ఎప్పుడు చూసినా నవ్వుతూనే వుంటుంది మరి. పిజి అయ్యాక చూసాను తనని మెరుపు తీగలాగా వుంది.
3. SUNITHA - తన ఇంటి పేరు భూతాల. పైగా తనకి రింగుల జుట్టు నుదుటి మీద పడుతూ వుంటుంది.ఇక తన పేరేంటో చెప్పలని అంటారా?

౪. విజయ లక్ష్మి - ఈ అమ్మాయికి పేరెట్టే సీన్ ఎవరికీ లేదు. పరమ గయ్యాళి.వెడల్పాటి పెద్ద కన్నులతోనే భయపెట్టేది.
నేనే విజయక్క అని పెట్టా.
౫.అనంత లక్ష్మి - ఈ అమ్మాయి కి ఏమి పేరు ఉండేదో గుర్తు రావటం లేదే.
౬.చంద్ర కల - బేసిక్ గ గిరి = కొండ ఈమె పేరు. ఇక దాని ముందు ఎమైన తగిలించ వచ్చు. చంద్ర గిరి.యాదగిరి. చీమ గిరి. అలా ఏమైనా . నడక విచిత్రంగా ఉంటుందని రోబోట్ అని కూడా ముద్దు పేరు.
౭. సుని - క్రిస్టియన్ . పేరు శునకము. కనకపు సింహాసనమున సునకమును అనే వేమన పద్యము గొప్పగా చదివినందుకు ఆ బిరుదము.
౯.మాధురి - మాడ్రిడ్ .స్పెయిన్ రాజధాని.
౧౦. ఇక నాకు - ఎప్పుడు లైబ్రరీ లో పది కథలు చ్డువుతున్తానని కథల రాణి అని . చిన్న చిన్న రాళ్ళపై బొమ్మలు చేక్కుతానని జక్కన అని. ఆ జక్కన మీదుగా జట్కా అని ఉండేవి లెండి.
ఇక బోయ్స్ సంగతి. మరోసారి చెప్తాను లెండి.

ఇడ్లి పిడకలు

నాకు టిఫిన్స్ లో ఇడ్లి అంటే అస్సలు ఇష్టం లేదు. నాకు గుర్తువున్నప్పటి నుండి నేను ఎప్పుడు ఇడ్లి ఇష్టంగా తినలేదు. ఓ రోజు ఎందుకా అని ఆలోచిస్తే గుర్తు వచ్చింది. మేము చిన్నప్పుడు సెలవులోస్తే చాలు అమ్మమ్మ వాళ్ళ వూళ్ళో వాలిపోఎవాళ్ళం. అక్కడ పల్లెటూళ్ళో టిఫిన్స్ చేసుకు తినే అలవాటు లేదు. అమ్మమ్మ, అత్తా వాళ్ళు మాకు టిఫిన్స్ చేయడానికి చాలా కసరత్తులు చేసేవాళ్ళు. మేము ముగ్గురం. మా మామకు ముగ్గురు. మొత్తం ఆరు మంది పిల్లలం. ఇక పెద్దవాళ్ళు ఇంకో ఆరుగురు. ఇంతమందికి చేయడానికి ఈజీగా ఉంటుందని ఎక్కువగా ఇడ్లి చేసేవాళ్ళు. మీము కుమ్మి పారేయడం చూసి మా మామ ఓసారి సరదాగా 'ఒరేయ్ ఇడ్లి ఎక్కువ తింటే మజ్జుగా ఉంటుందిరా. అదీ దోసలైతే ఎన్నైనా తినచ్చు' అన్నారు. అది ఎందుకనో నా మనసులో బలంగా నాటుకుపోయింది.అలా నాకు ఇడ్లి అంటే ఎంత అయిష్టం ఏర్పడిందంటే అమ్మ ఇంట్లో ఇడ్లి చేస్తే ఆ ఇడ్లి పిండితో దోస వేసి పెట్టేది నా కోసం. ఎప్పుడైనా అలా వీలు కాకనో లేక ఇడ్లి అలవాటు చేద్దామనో ఇడ్లి తినమందా ఆ రోజు నా బాధ, ఉక్రోషం చెప్పలేను. ఓసారి అలాంటి ఉక్రోషంతోనే ఇడ్లి,వేరుచేనిక్కయాల చట్నీ కలిపి,పిసికి నా ఎదురుగా వున్నా గోడకి పిడకలులగా చేసి కొట్టాను. ఆ గోడకి ఓ బెంచి వేసి దాని మీద బియ్యం,కందిపప్పు, గోధుమలు,చెనిక్కాయల మూటలువేసి వున్నందుకు నేను చేసిన నిర్వాకం వంగి చూస్తె కాని కనపడదు. అమ్మ చుస్తే ఏమంటుందో అన్న భయంతో ఖంగారుగా స్కూల్కి వెళ్ళాను. కాసేపటికి ఆ సంగతే మర్చిపోయ. అమ్మ ఇల్లు ఊడుస్తూ నా ఇడ్లి పిడకలు చూసింది.ఇదంత మర్చిపోయి ఇంటికి గెన్తుతూవచ్చిన నాకు అమ్మ చేతిలో ఏమి అయ్యుంటుందో మీరే ఉహించండి. కాని ఇప్పుడు మాత్రం ఇడ్లిలను కూడా వదలకుండా లాగిస్తున్నాను లెండి. సరే మరి ఇప్పటికింతే. రేపు మరిన్ని సంగతులతో ...... సౌజన్య.

తొలి అడుగు

ఇది నా తొలి బ్లాగ్ రాత . అసలు ఇది క్రియేట్ చేయడమే పెద్ద కథ అయ్యింది నాకు. ఇక చుడండి. రాతలే రాతలు. ఎన్నో రోజులనుండి రాయలనుకున్నవి, చెప్పాలనుకున్నవి చాల వున్నవి. అన్ని ఇప్పుడు మీతో షేర్ చేసుకుంటాను. అవి తెలుసుకోవాలనుకొంటే కాస్త ఆగాల్సిందే.వెయిట్ చేస్తారు కదూ. రేపు ఇక్కడే చూడండి. ఓకే . బై . ఇట్లు మీ సౌజన్య .